ಅಪರಾಧ ಅಪರಾಧ

ಹಸೆ ಮಣೆ ಏರುವ ಮೊದಲೇ ಪೆಟ್ರೋಲ್ ದಾಳಿಗೆ ಒಳಗಾದ ಯುವತಿಯ ಕರುಣಾಜನಕ‌ ಕಥೆ ಇದು

by 1 on | 2025-01-31 13:43:35

Share: Facebook | Twitter | Whatsapp | Linkedin | Visits: 323

---

ಪೆಟ್ರೋಲ್ ದಾಳಿಗೆ ಒಳಗಾಗಿ ಬದುಕುಳಿದ ಯುವತಿ

ಬಾಗಲಕೋಟೆ:ಯುವಕನೊಬ್ಬನಿಂದ ಪ್ರೆಟ್ರೋಲ್ ದಾಳಿಗೆ ಒಳಗಾಗಿರುವ ಬಾಗಲಕೋಟೆ ಜಿಲ್ಲೆಯ ಹುನಗುಂದ ತಾಲೂಕಿನ ಗುಡೂರ ಗ್ರಾಮದ ಯುವತಿಯೊಬ್ಬಳು ಸರ್ಕಾರ ಆರ್ಥಿಕ ಸಹಾಯ ಮಾಡಬೇಕೆಂದು ಮನವಿ ಮಾಡಿದ್ದಾಳೆ.ನಗರದ ಪತ್ರಿಕಾಭವನದಲ್ಲಿ ಸುದ್ದಿಗೋಷ್ಠಿ ನಡೆಸಿ ಮಾತನಾಡಿರುವ ಗುಡೂರು ಮೂಲದ ನೇತ್ರಾವತಿ ವಡ್ಡರ್ ಎನ್ನುವ ಯುವತಿ ಅದೇ ಗ್ರಾಮದ ಅಪ್ಝಲ್‌ ಸೊಲಾಪುರ(೨೭) ಎನ್ನುವ ಯುವಕನ ಪ್ರೀತಿ ನಿರಾಕರಿಸಿದ್ದಕ್ಕೆ ಕಳೆದ ಮಾರ್ಚ 27. 2023 ರಂದು ನಡುರಸ್ತೆಯಲ್ಲೇ ಪೆಟ್ರೋಲ್ ಸುರಿದು ಬೆಂಕಿ ಹಚ್ಚಿದ್ದ. ಸುಟ್ಟು ಕರಕಲಾಗಿದ್ದ ಯುವತಿ ಹುಬ್ಬಳ್ಳಿಯ ಕಿಮ್ಸ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆದು ಸಧ್ಯ ಚೇತರಿಸಿಕೊಂಡಿದ್ದಾಳೆ.ದೇಹದ ಶೇ.77 ರಷ್ಟು ಭಾಗ ಸುಟ್ಟು ಕರಕಲಾಗಿದ್ದು ವಿಕಲಾಂಗತೆ ಆವರಿಸಿದೆ.ಚಿಕಿತ್ಸೆ ಇನ್ನು ಮುಂದುವರೆದಿದ್ದು,ಬಡ‌ ಕುಟುಂಬವಾದ್ದರಿಂದ ಚಿಕಿತ್ಸೆಗೆ ಹಣ ಹೊಂದಿಸಲು ಕಷ್ಟವಾಗುತ್ತಿದ್ದು ಸರ್ಕಾರ ಆರ್ಥಿಕವಾಗಿ ನೆರವು ನೀಡಬೇಕೆಂದು ಮನವಿ ಮಾಡಿದ್ದಾರೆ.ಜಹಾದಿ ಮನಸ್ಥಿತಿ ಯುವಕರು ಯುವತಿಯರ ಜೀವನ ಹಾಳು ಮಾಡುತ್ತಿದ್ದು ಅಂಥವರ ವಿರುದ್ಧ ಕಠಿಣ‌ಕ್ರಮ ಜರುಗುಸಬೇಕೆಂದು ಒತ್ತಾಯಿಸಿದ್ದಾರೆ.ಜೊತೆಗೆ ಹಿಂದೂ ಜಾಗರಣ ವೇದಿಕೆ ಮುಖಂಡ ಕುಮಾರಸ್ವಾಮಿ ಹಿರೇಮಠ ಅವರು ಮಾತನಾಡಿದ್ದು ಸರ್ಕಾರ ಯುವತಿಗೆ ಚಿಕಿತ್ಸೆ,ಜೀವಕ್ಕೆ ಆರ್ಥಿಕ‌ನೆರವು ನೀಡಬೇಕು ಇಂಥ‌ಕೃತ್ಯಗಳು ಮತ್ತೆ ನಡೆಯದಂತೆ ಕಟ್ಟುನಿಟ್ಟಿನ ಕ್ರಮ ಜರುಗಿಸಬೇಕೆಂದು ಒತ್ತಾಯಿಸಿದ್ದಾರೆ.ಸುದ್ದಿಗೋಷ್ಠಿಯಲ್ಲಿ‌ ಬಿಜೆಪಿ ಮುಖಂಡ ಅಶೋಕ ಲಿಂಬಾವಳಿ ಸೇರಿದಂತೆ ಇತರರು ಉಪಸ್ಥಿತರಿದ್ದರು.